Rahimaj pret në takim Ambasadorin e Turqisë në Kosovë, diskutohet mundësia e bashkëpunimit në fusha të ndryshme

Kamenicë – Kryetari i Komunës së Kamenicës Kadri Rahimaj së bashku me Drejtorin për Urbanizëm dhe Planifikim Hapësinor Uran Berisha kanë pritur sot në takim Ambasadorin e Turqisë në Kosovë Tunç Angili së bashku me Këshilltarin e tij Baris Goriça.

Ata kanë diskutuar rreth mundësive për bashkëpunim në fusha të ndryshme.

Rahimaj ka prezantuar potencial zhvillimor të Komunës së Kamenicës, bashkëpunimet e deritanishme me organizata turke që veprojnë në Kosovë, si dhe për bashkëpunimin që vjen si rezultat i binjakëzimit me Komunën e Kemal Pashës.

Ai gjithashtu ka treguar se bashkëpunimi me këtë komunë do të vazhdojë në sektorin e arsimit, ku do të ketë mundësi të reja për nxënësit e Kamenicës për të ndjekur procesin mësimor në shkollat e kësaj komune.

Ambasadori Anglili është ambasadori i parë turk që viziton Komunën e Kamenicës./rajonipress/