Rahimaj e Kamberi flasin mbi sfidat që shqiptarët kanë në Luginë

Kamenicë – Shaip Kamberi është i vetmi deputet shqiptar në Parlamentin e Serbisë, i cili përfaqëson me dinjitet interesat e komunitetit shqiptar, duke u angazhuar fuqishëm për të drejta të barabarta dhe përfaqësim politik ka shkruar Kadri Rahimaj.

Postimi i plotë:

Urimet më të mira nga Lugina
Së bashku me Arbnoren e Lidionën, sot me kënaqësi kam pritur në takim deputetin shqiptar nga Lugina Shaip Kamberin.

Ky takim sa ishte institucional aq ishte edhe vëllazëror.
Pranova urimet nga ana e deputetit për mandatin e fituar me shpresën që ky mandat të jetë edhe më i mbarë se i pari.

Diskutuam mbi sfidat që shqiptarët kanë në Luginë e pamë edhe mundësitë e bashkëpunimit për të mirën e qytetarëve atje.

Shaip Kamberi është i vetmi deputet shqiptar në Parlamentin e Serbisë, i cili përfaqëson me dinjitet interesat e komunitetit shqiptar, duke u angazhuar fuqishëm për të drejta të barabarta dhe përfaqësim politik.

Faleminderit për vizitën dhe urimet, me shpresën që në takimet e ardhshme të diskutojmë konkretisht për përmirësim dhe progres të vazhdueshëm për shqiptarët e Luginës./rajonipress/