Ragmi Mustafi bëhet këshilltar në Qeverinë Kurti

Kryeministri i Kosovës, Albin Kurti, ia ka shtuar Ragmi Mustafin, vargut të gjatë të këshilltarëve në qeverinë e tij.

Mustafi, i cili deri para pak muajsh ka qenë kryetar i Këshillit Kombëtar Shqiptar në Serbi, tash e tutje do të shërbejë si këshilltar i zëvendëskryeministrit të parë të Kosovës, Besnik Bislimi.

“Ragmi Mustafi emërohet Këshilltar Politik i Zëvendëskryeministrit të parë për Integrim evropian, zhvillim dhe dialog në Qeverinë e Republikës së Kosovës.”, thuhet në vendimin e siguruar nga portali Demokracia.

Mustafi nuk ka folur ende për këtë vendim.

Një orë më parë ai ka postuar fotografi me kryeministrin Albin Kurti dhe është shprehur i lumtur për sigurimin e teksteve për nxënësit e Luginës.