Ragmi Mustafa nuk ka dhënë dorëheqje

E plotësuar – Kabineti i Kryetarit të Komunës së Preshevës, Ragmi Mustafa ka mohuar lajmin për dorëheqjen e kreut të komunës, i cili u dërgua në redaksi nga një email në emrin e tij.

Shefi i Kabinetit, Fatlum Mustafa ka thënë për Telegrafin se lajmi është krejtësisht i rremë, ndërsa ka kërkuar të sqarohet se kush qëndron pak kësaj dezinformate.

Lajmi i tillë ka ardhur në emailin e portalit Telegrafi nga emali: [email protected], në orën 20:04 minuta. /Telegrafi/

Duke kuptuar nivelin e përgjegjësisë civile-politike si Kryetar i Komunës së Preshevës dhe përgjegjësisë morale si Kryetar i Partisë Demokratike Shqiptare, Ragmi Mustafa thotë se ka dhënë dorëheqje nga të gjitha funksionet publike (funksioni i Kryetarit të Komunës dhe i kryetarit të Partisë Demokratike Shqiptare).

“Dorëheqja ime le të konsiderohet si mjet pakënaqësie personale për mos arritjen e përmbushjes së Platformës Kombëtare të PDSH-së dhe për dështimin e kyçjes së delegacionit politikë të Luginës së Preshevës në bisedimet e përfunduara mes Prishtinës dhe Beogradit”, thuhet në tekstin e dorëheqjes së Mustafës të cilën ua ka shpërndarë mediave.

“Në cilësinë e Kryetarit të Komunës së Preshevës dhe në cilësinë e një qytetari shqiptar nga Presheva, pas të gjitha asaj që ndodhi në periudhën kohore nga viti 2010 e deri me 19 prill 2013, rreth Luginës së Preshevës dhe përreth saj , detyrimisht kisha analizuar pikat e më poshtme, sicc vijon:

– vendosjes dhe më vonë largimit të lapidarit të dëshmorëve nga Sheshi i Dëshmorëve
– mos arritjes së kycjes së delegacionit të Luginës së Preshevës në asnjërin takim mes Prishtinës dhe Beogradit
– mos përmbushjes së premtimit që i dhamë elektoratit të PDSH-së dhe elektoratit të Luginës për një bashkim me Kosovën ( duke ditur se kredoja politike 20 vjecare e PDSH-së është refuzimi i integrimit në Serbi dhe bashkimi me Kosovën)
-mos arritjes së unifikimit të spektrit shqiptarë në një Kuvend Kombëtar të Luginës së Preshevës
-dështimit të hapjes së vendkalimeve kufitare me Maqedoninë dhe Kosovën
-dështimit të lobimit për internacionalizimin e problemit të Luginës
-dështimit të hapjes së një Universiteti Publik Shqip në Preshevë
-dështimit të zgjerimit të Shtëpisë së Shëndetit me disa reparte specialistike deri në hapjen e një Spitali regjional
-domosdoshmërinë e një rikonfigurimi ideo-politikë të ri të Programit Kombëtarë të PDSH-së , si përgjigje e rrethanave të reja të krijuara pas Marrëveshjes Serbi-Kosovë
-domosdoshmërinë e freskimit të jetës politike Luginase me prurje të reja”.

“Pas një ri-shikimi të ngadalshëm dhe analitikë të pikave të lart shënuara , u përpunua edhe vlerësimi im se ishte momenti më adekuat për tu larguar nga jeta publike -politike , që do të zyrtarizohet ditëve në vijim për shkaqe protokollare .

Gjithashtu vlerësoi lartë dhe publikishtë falenderoj miqtë ,kolegët dhe gjithë ata që ma besuan votën e tyre për ti udhëhequr gjithë këto vite. Vlerësoi lartë edhe oponencën politike për transparencën dhe vullnetin për bashkëpunim”, thuhet në deklaratën e Mustafës.

“Kujtoj , se ky është vendim i konkretizuar pas një analize të thellë të rrethanave të reja të krijuara pas Marrëveshjes Serbi-Kosovë, vendim i pa-revokueshëm , që do të zyrtarizohet brenda ditëve të ardhshme”, përfundon deklarata e Ragmi Mustafës. /Telegrafi/