Radioterapia rrezikon të mbyllet në mungesë licence

Zyrtarë të Agjencisë së Kosovës për Mbrojtje nga Rrezatimi dhe Siguri Bërthamore (AKMRrSB) kanë paralajmëruar se do t’i vënë drynin Radioterapisë së Institutit Onkologjik. Kjo për shkak se Institucioni Shëndetësor ka injoruar shkresat e Agjencisë për t’u licencuar.

Zyrtarë të Agjencisë së Rrezatimit, institucion ky vartës i Zyrës së Kryeministrit, thonë se tash e tetë muaj kanë alarmuar QKUK-në që të kenë parasysh njoftimet e tyre dhe të aplikojnë për licencë. Për këtë, Ferki Fejza, ud. kryeshef i Agjencisë së Rrezatimit, thotë se QKUK-së ia kanë dërguar të gjithë formularët dhe kërkesën për licencim.

Mirëpo, zyrtarët e QKUK-së nuk i kanë plotësuar ata formularë. Vetëm një shkresë nga drejtori ekzekutiv i QKUK-së Nijazi Gashi, i është adresuar Fejzës.

Aty, Gashi ka shprehur gatishmërinë që zyrtarët e Agjencisë, të shkojnë për ta licencuar Institucionin e tyre. Por, në formularët e siguruar nga gazeta, e që i posedon edhe QKUK, parashihet plotësimi i një varg kushtesh, para se Agjencia të japë licencën për operimin me rreze jonizuese…(Tribuna).