Qytetarët kërkojnë tërheqjen e Trustit, jo ndihmat e Qeverisë dhe lëmoshën e Albin Kurtit

Gjilan – Qytetarët gjilanas më shumë preferojnë tërheqjen e Trustit sesa ndihmat që po jep Qeveria dhe lëmoshën e ofruar nga Albin Kurti.

Shumë qytetar të anketuar mendojnë se më mirë do ta pranonin tërheqjen e Trustit sesa ndihmat dhe lëmoshën e ofruar nga Qeveria Kurti.

Bislimi një 56 vjeçar mendon se Trusti është djersë e tij dhe ka të drejtë ta tërheq. “Pse mos t`i marrë mjetet e mija financiare që i kamë grumbulluar me djersë. Kështu qysh po jep pare Albin Kurti edhe rrezikohet buxheti i shtetit edhe humbin investimet. Kurse Trusti është çështje e imja personale, ndërsa paret e këtij institucioni askush nuk e din kush i shfrytëzon” shprehet Bislimi.

Edhe, Muharremi një 60 vjeçar mendon se më e drejtë është marrja e Trustit.”Sigurisht që është më mirë sepse kam punuar tërë jetën për atë kontribut. Njerëzit po vdesin pa e përjetuar as pensionimin e as trustin ndërsa qytetarët janë në hall dhe fukarallëk të madh” shprehet Muharremi.

Dauti një 58 vjeçar thotë se Qeveria Kurti po punon kundër interesave të qytetarëve të saj dhe po i mundëson të tjerëve që mjetet e Trustit të shfrytëzohen për investime, por jashtë Kosovës kuptohet shprehet me ironi Dauti./rajonipress/