Qytetarët e Skënderbeut të kënaqur me asfaltin

Gjilan – Në kuadër të projektit për mbushjen e gropave me asfalt dhe riasfaltimeve, është realizuar një pjesë e projektit duke u riasfaltuar rruga kryesore e qytetit “ Skënderbeu ”, ndërsa të hënën është duke u riasfaltuar rruga përballë stacionit të policisë.

Arsim Kryeziu Inxhinier në kompaninë “ Papenburg & Adriani”, ka thënë se gjatësia e rrugës “ Skënderbeu” është 780 m, gjerësia 6.6 , trashësi 4 cm , me asfalt beton 011, ndërsa rruga përballë stacionit të policisë gjatësia prej 56 metrave, gjerësia prej 5 m, trashësia dhe kualiteti është i njëjti me rrugën kryesore, ndërsa vlera e projektit afërsisht është prej 43 mijë euro. Ndërsa, mendimet e qytetarëve lidhur me riasfaltimin e këtyre rrugëve ishin të kënaqshme.

Meriton Krivaqa qytetarë nga komuna e Kamenicës, ka thënë se sa i përket projekteve të realizuara në komunën e Kamenicës është punuar mjaft, por gjithnjë ka vend për përmirësime dhe realizime të projekteve në infrastrukturë, kurse riasfaltimi i rrugës kryesore në qytet është një punë për çdo lëvdatë.

Ndërsa, Arton Thaqi thotë se me riasfaltimin e kësaj rruge është bërë një punë e mirë e cila ka zbukuruar edhe qytetin.

Edhe Mentor Maliqi, kishte mendim pozitiv për projektet që po realizohen në komunën e Kamenicës. Ai shtoi se në përgjithësi në komunën e Kamenicës, janë realizuar mjaft projekte në infrastrukturë po ashtu edhe riasfaltimi i rrugës “ Skënderbeu” tregon se udhëheqja komunale është duke i kushtuar rëndësi të veçantë qytetit./rajonipress/