Qytetarët e fshatrave të Artanës kërkojnë investime serioze në infrastrukturë

Gjilan – Në debatet publike për buxhet që ka mbajtur komuna e Artanës në fshatrat Llabjan dhe Zebinc nga qytetarët është kërkuar që të investohet në rregullimin e kanalizimit, asfaltim të rrugës, ndërrimi i lokacionit të tregut, ndriçimi, rrethimi i oborrit të shkollës, drenazhimin e burimit, rrjeti i ujësjellësit për shkollën fillore në Koznic, ndërtimi i çerdhes, ujësjellësi për një lagje në Llabjan.

Në hapësirat e shkollës fillore “Asdreni“ në Llabjan dhe shtëpi të kulturës në Zebinc qytetarët e këtyre fshatrave kishin rastin të informohen se si komuna e Novobërdës ka planifikuar buxhetin për vitin 2020.

Debatin e ka organizuar Drejtoria për Buxhet dhe Financa, përderisa në fjalën hyrëse Kryetari z.Svetisllav Ivanoviq ka përshëndetur të pranishmit dhe ka ftuar që t’i japin propozimet e tyre për investimet kapitale e gjithë kjo me vendime transparente për shpenzimin e buxhetit dhe investimeve në investimet kapitale në komunën ton.

Planin për shpërndarjen sipas kategorive ekonomike të pranishmëve u ka prezantuar drejtori për buxhet dhe financa të Komunës së Novobërdës z.Srgjan Todoroviq, ku pas kësaj qytetarët kanë dhënë edhe propozimet e tyre për investime kapitale.

Në debatet përveç qytetarëve ka prezantuar edhe anëtarja e kuvendit Komunal, zo.Xhejlane Behluli dhe përfaqësuesi i USAID-it projekti Lega z. Milosh Jovanoviq.

Pas prezantimit të buxhetit nga ana e z.Todoroviqit dhe diskutimeve me qytetarët janë propozuar projektet për investime kapitale si ne vijim:

Propozimet e qytetarëve nga fshati Llabjan përfshijnë investimet në kanalizim, asfaltim të rrugës, ndërrimi i lokacionit të tregut, ndriçimi, rrethimi i oborrit të shkollës, drenazhimin e burimit, rrjeti i ujësjellësit për shkollën fillore në Koznic, ndërtimi i çerdhes, ujësjellësi për një lagje në Llabjan.

Kurse propozimet e qytetarëve të Zebincës përfshijnë investimet në kanalizim, asfaltim të rrugës dhe ndriçimi./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).