Qytetarët e duan ndryshimin praktikë, në vend të demagogjisë

Gjilan – Qytetarët e anketuar mendojnë se qeverisja e Alban Hysenit nuk e ka sjellur asnjë ndryshim të vetëm. Ne po shohim demagogji nga Alban Hyseni dhe marrje me vetveten. Qeverisja e Hysenit është pa gjak dhe larg asaj që ka premtuar në fushatën zgjedhore, shprehen qytetarët.

Qytetarët gjilanas tashmë të vetëdijesuar dhe të zhgënjyer që kanë votuar për një “ndryshim” që nuk po ndodhë, shprehen të mllefosur për zhvillimet në komunën e Gjilanit.

Afrimi një 43 vjeçar mendon se LVV gabimin më të madh po e benë kur në vend të punëve praktike, merret me demagogji. “Mua nuk më interesojnë llafet e kota, unë e dua ndryshimin e votuar. Deri tani asnjë ndryshim nuk ka ndodhur sepse Gjilani nuk ka përfituar asnjë projekt kapital dhe realisht asnjë punë e hajrit s`ka filluar në qytet” shprehet Afrimi.

Luljeta një mësuese mendon se Gjilani për katër vitet e ardhshme do të mbetet qytet statujë sepse nuk do të ketë progres. “Edhe unë e kam votuar ndryshimin, por jam e zhgënjyer tej mase sepse Alban Hyseni nuk po tregohet aspak serioz dhe më shumë po sillet si fëmija i lazdruar, kur hynë në klasën e parë. Mos vet për Gjilanin çfarë e ka gjetur” mendon ajo.

Edhe, Naimi një student mendon se qeverisja e Alban Hysenit është e mjerueshme. “Llogariteni kanë bërë dallavere edhe te ndarja e bursave dhe mos të flasim çka pritet në fushat tjera” shprehet ky student./rajonipress/