Qytetarët akuzojnë Alban Hysenin: E kënaqi Gjilanin e ka shkue në Spanjë?

Gjilan – Shumë qytetar të anketuar shprehen të indinjuar me gjestet dhe veprimet e Alban Hysenit. Nuk e kuptojmë pse këto vizita në Spanjë, këto memorandume me Tetovën. Asnjë të mirë nuk përfiton Gjilani nga këto takime, përveçse humbje materiale dhe humbje kohe shprehen qytetarët.

Qytetarët gjilanas janë të revoltuar që kjo komunë me udhëheqësin e saj ende nuk ka nisur asnjë punë serioze apo projekt konkret. Edhe vizitën e tij të fundit qytetarët e shohin si vizitë turistike të Alban Hysenit, sesa ndonjë përfitim konkret për Gjilanin.

“Vërtet nuk e kam të qartë pse një kryetar i një qytetit shumë të moderuar e me nevoja ekstreme për punë e për të ecur përpara humb kohë në një vizitë turistike siç ishte kjo në Spanjë. Kjo vizitë tërësisht humbje kohe, në një situatë shumë të pavolitshme për qytetarët gjilanas, të cilët e kanë votuar ndryshimin, ndërkaq në fakt e kanë votuar dembelinë dhe paditurinë” shprehet Egzoni një student i arkitekturës.

Musliu një qytetar 45 vjeçar thotë se Alban Hyseni ende asnjë hap konkret ose projekt konkret nuk e ka nisur, mos të flasim që e ka realizuar.”Ne presim punë dhe angazhim konkret për të fituar Gjilani ndonjë donacion ose projekt kapital dhe jo memorandume me Tetovën që mund të jetë ndonjë interes personal i kryetarit po kurrsesi i qytetit” shprehet ky qytetar.

Mitati një qytetar tjetër që thotë se është edhe militant i VV është edhe më ekstrem.”Unë e kam votuar LVV dhe jam sërish me këtë parti, por Alban Hyseni po del ndryshimi më i keq i mundshëm. Lëvize trurin e mendjen oh kryetar e mos bënë hajgare me një qytet i cili ka demokraci të zhvilluar dhe i njeh mirë dobësitë e një udhëheqësi. Mos na shit mend se gjoja po din diçka edhe në rrafshin kombëtar. Leje Albin babën se ai kujdeset për Kosovën e Luginën, e jo halli yt që ke fituar krejt rastësisht” shprehet Mitati./rajonipress/