Qeverisja komunale injoron kërkesat e banorëve të Çelikut

Gjilan – Banorët e fshatit Çelik janë të zhgënjyer në qeverisjen komunale e cila nuk ka arritur tua përmirësojë infrastrukturën rrugore. Banorët thonë se tani vijnë mërgimtarët derisa rruga është në gjendje të mjerueshme.

Gjendja e mjerueshme e rrugës në Çelik ka bërë që banorët e atjeshëm të ndihen të zhgënjyer në qeverisjen komunale. Madje banorët thonë se askush nuk përgjigjet e as jep llogari pse ky rajon i Karadakut po injorohet kaq keq.

Banorët thonë se kanë kërkuar që të paktën të rrafshohen rrugët me buldozer e cila nuk kërkon më shumë se tri orë punë efektive, por as kjo nuk është realizuar.

Një banor i kësaj ane tha se tani kur po vijnë mërgimtarët dhe vizitor të shumtë për shkak se vendi është me pamje turistike, neve po na vije turp për rrugën e dëmtuar.”Po na duket vetja se po jetojmë në kohë të mesjetës” u shpreh ky banor i mllefosur./rajonipress/