Qeverisja e PDK-së pozitive për Gjilanin

Gjilan – Udhëheqja e pushtetit nga Partia Demokratike e Kosovës, në shumë sektorë të qeverisjes ka treguar suksese dhe rezultate, duke qenë treguese se kjo qeverisje, në vazhdimësi ka sjellur zhvillime pozitive në Komunë ka thënë Izmi Zeka kryetar i PDK-së.

Në takimin që ka pasur të shtunën Dega e Partisë Demokratike të Kosovës në Gjilan, me kryetarët e nëndegëve është njoftuar për përgatitjen që po bënë PDK në nivel qendror për zgjedhjet e brendshme dhe përgatitjen e rregullores për mbarëvajtjen e zgjedhjeve brenda PDK-së.

Nga kryetarët e nëndegëve u diskutua dhe u vlerësua puna e pushtetit në Gjilan, për të cilin konsideruan se Partia Demokratike e Kosovës po tregon vlera të larta të demokracisë dhe udhëheqjes.

“Udhëheqja e pushtetit nga Partia Demokratike e Kosovës, në shumë sektorë të qeverisjes ka treguar suksese dhe rezultate, duke qenë treguese se kjo qeverisje, në vazhdimësi ka sjellur zhvillime pozitive në Komunë” ka thënë Izmi Zeka kryetar i PDK-së.

Zeka ka thënë se PDK ka kuptuar dhe ka punuar drejtë në organizim dhe funksionim të mirë dhe të drejtë të pushtetit për të ndërtuar një komunë të zhvilluar dhe me standarde ashtu siç meritojnë qytetarët e komunës së Gjilanit, duke marrë parasysh tërë angazhimin institucional, zhvillimin dhe të arriturat në shumë fusha në Komunën e Gjilanit.

Kryetarët e nëndegëve për gjendjen në arsimin gjilanas janë njoftuar nga drejtori Bujar Nevzati, i cili prezantoi rezultatet e këtij fillimviti në të gjitha shkollat e komunës së Gjilanit.

Ndërsa sa i përket dënimit të 11 shqiptarëve nga Gjykata e Serbisë, nga ky takim doli reagimi, duke shprehur indinjatën e thellë për dënimin nga Gjykata Supreme e Serbisë për 11 shqiptarët të quajtur si “Grupi i Gjilanit” me 116 vjet burg për kinse krime kundër njerëzimit, të cilin dega e PDK-së në Gjilan e vlerëson si vendim të pa drejtë dhe diskriminues ndaj shqiptarëve që jetojnë në trojet e veta ka konstatuar PDK./rajonipress/