Qeveria pakicë – opozita e paguximshme

Koalicioni qeverisës në Kosovë nuk e ka më shumicën në Kuvend, por as opozita nuk e ka guximin politik që ta sfidojë atë dhe provokojë thirrjen e zgjedhjeve të parakohshme, vlerësojnë analistë politikë në Prishtinë.

Komentet e tyre pasojnë seancën e të premtes në Kuvendin e Kosovës, kur Partia Demokratike e Kosovës dështoi që ta fitojë numrin e mjaftueshëm të votave për kalimin e mocionit që kishte të bënte me raportimin e kryeministrit Hashim Thaçi në lidhje me dialogun me Serbinë. Mocionin e koalicionit e mbështetën 41 deputet, 40 ishin kundër e 1 abstenoi, shkruan “Tribuna”.

Driton Selmanaj nga Instituti Demokratik i Kosovës mendon se kriza e numrit të votave në Kuvend reflektohet qe disa muaj. Që kur disa deputetë të Koalicionit për Kosovën e Re kanë dalë nga ai koalicion dhe funksionojnë si deputetë të pavarur, apo edhe disa nga deputetët e Partisë Demokratike si Jakup Krasniqi dhe mungesa e Fatmir Limajt, sipas Selmanajt, ka dëshmuar që koalicioni nuk i ka numrat në Kuvend. (ORAinfo)