Dy kioska janë djegur mbrëmë pas mesnate në veri të Mitrovicës, si pasojë e qërimit të hesapeve mes bandave atje, bëjnë të ditur burime të Kosovapressit.
“Është rezultat i mosmarrëveshjeve dhe përplasjeve që mbretërojnë mes serbëve ardhacakë, të cilët jetojnë në veri të Mitrovicës dhe vendësve të Zveçanit”, kanë thënë burimet.
Sipas këtyre burimeve, ky është rezultat edhe i shumë përleshjeve dhe rrahjeve që kanë ndodhur mes serbëve kohët e fundit në veri, por edhe i detonimeve të ndryshme, pastaj të shtënave me armë etj.
Në anën tjetër, djegien e kioskave në veri e ka konfirmuar edhe Policia e Kosovës në Mitrovicë.
“Natën mes të dielës dhe të hënës në veri të Mitrovicës janë shkatërruar nga zjarri dy kioska. Njësitë policore kanë dalur në vendin e ngjarjes dhe janë duke hetuar rastin”, ka thënë për Kosovapress toger Sami Mehmeti, duke shtuar se për momentin nuk ka të dyshuar në lidhje me rastin./kosovapress/
