Gjilan – Ju njoftojë me keqardhje se unë,në cilësinë e kryetarit të komunës qysh sot do t`iu bëjë kërkesë partisë kryesore në qeverisje të komunës (PDK-së nga e cila vijë edhe unë), që ta shqyrtojë seriozisht mundësinë e shkëputjes së lidhjes me këshilltarin tuaj i cili me paraqitjen e tij ka bërë tentim që ta dëmtojë imazhin e kësaj partie dhe të qeverisë në Gjilan thuhet në letrën e Qemajl Mustafës drejtuar Ferid Aganit.
Kryetari i Gjilanit Qemajl Mustafa nuk e ka ndier vetën mirë kur ka lexuar kritikat dhe vërejtjet që ka dhënë Arianit Sllamniku i Partisë së Drejtësisë rreth qeverisjes komunale. Kjo ka ndikuar që Mustafa t`i drejtohet me një letër Ferid Aganit kryetar i PD-së nga i cili ka kërkuar që të marrë masa ndaj Sllamnikut.
“Me keqardhje ju njoftojë se sjellja e këshilltarit tuaj në Kuvendin Komunal të Gjilanit Arianit Sllamnikut për kohë të gjatë nuk është tërësisht në frymën e angazhimeve dhe të programit të koalicionit qeverisës në Gjilan (PDK-AKR-PD-PSD-KDTP).Me qëllim të ruajtjes së harmonisë dhe të integritetit veprues të koalicionit nuk kemi dashur që deri tashti këtë ta ngrisim si shqetësim të veçantë” thuhet në reagimin e Mustafës.
“Kjo sjellje e tij me paraqitjen e tij nëpër portale në të cilat ai e fyen rëndë pa asnjë argument qeverisjen e komunës së tij në të cilën bënë pjesë edhe vet, ka kaluar çdo kufi të tolerancës. Ndoshta atij i ka penguar përherë suksesi i theksuar i kësaj komune e cila një më shumë se dhjet fusha të qeverisjes është e para në konkurrencën e komunave të Kosovës. Këtë e thonë matjet nga Qeveria dhe nga monitoruesit dhe përkrahësit ndërkombëtarë të komunave tona(sidomos vlerësimet e USAID-it)”sqaron në reagim Mustafa.
Ju njoftojë me keqardhje se unë,në cilësinë e kryetarit të komunës qysh sot do t`iu bëjë kërkesë partisë kryesore në qeverisje të komunës (PDK-së nga e cila vijë edhe unë), që ta shqyrtojë seriozisht mundësinë e shkëputjes së lidhjes me këshilltarin tuaj i cili me paraqitjen e tij ka bërë tentim që ta dëmtojë imazhin e kësaj partie dhe të qeverisë në Gjilan.
Zoti ministër mbesim me shpresë që komunikimi dhe bashkëpunimi në mes të komunës së Gjilanit dhe të degës së PDK-së në njërën anë dhe degës tuaj në Gjilan do të jetë i rregullt dhe bashkëpunues përfundon reagimi i Mustafës./rajonipress/
