Qemajl Mustafa, befasia pozitive e fushatës

Gjilan – Qemajl Mustafa është befasia pozitive e kësaj fushate. Kudo që ka shkuar është pritur mirë nga qytetarët dhe simpatizantët e tij. Mustafa këtë mbështetje të fuqishme që e nisi nga brezi kufitar po e merr falë qeverisjes së keqe të Lutfi Hazirit dhe gabimeve trashanike që kanë bërë për këta pak muaj.

Qemajl Mustafa është ndier i hapur me publikun e shumtë që e ka takuar këto ditë të fushatës. E ka nisur lotimin e tij tejet modest që nga vija kufitare e fshatrave të brezit kufitar ku gjurmët e tij shihen kudo dhe rezultatet preken, për të vazhduar me takimet e tija të drejtpërdrejta që pati me bujqit, prodhuesit, fermerët, veteranët e luftës, familjet e dëshmorëve, invalidët, kategoritë e tjera sociale, mësimdhënësit, njerëzit e artit e të kulturës, mjekët, rininë etj. Ky vlerësim ka dal nga ekipi monitorues i Qemajl Mustafës raporton rajonipress.

Ekipi i Qemajl Mustafës ndihet shumë komod sepse të gjitha takimet direkte që ka pasur Mustafa me qytetarët ka dalë një konstatim.”Qeverisja e Qemajl Mustafës është larg asaj të Lutfi Hazirit. Qeverisja e Qemajl Mustafës ka qenë në dobi të të gjitha shtresave shoqërore e sociale. Askush dhe me as të vetmin fakt nuk kanë arritur ta akuzojnë Qemajl Mustafën i cili qeverisjen e tij e drejtoj me shumë sukses, me shumë profesionalizëm dhe me shumë modesti e agjendë të kapshme që Gjilanin ta integrojë dhe avancojë në zhvillimet politike gjithëkombëtare”.

Ekipi i Qemajl Mustafës vlerëson se vota për Qemajl Mustafën është votë vetëm për qytetarin e thjeshtë dhe për qytetarin e sinqertë që ka pritur ndryshime, e në fakt këto ndryshime vetëm sa e goditën jetën edhe ashtu të rëndë të gjilanasve.

Pritja e ngrohtë që i kanë bërë qytetarët Qemajl Mustafës na japin siguri dhe garancë se ai me dinjitet dhe përkushtim do të jetë në ulësen e Parlamentit pas datës 8 qershor. “Qemajl Mustafa ndihet krenar për këtë mbështetje dhe i siguron të gjithë votuesit se dijen e tij profesionale, guximin e tij intelektual dhe mbështetjen e sinqertë të gjilanasve do ta kurorëzojë në foltoren e Parlamentit duke mbrojtur kërkesat reale të Anamoravës dhe duke lobuar që investimet e Qeverisë të sillen në Gjilan” thuhet në vlerësimin e ekipit monitorues të Qemajl Mustafës./rajonipress/