UBT

Pse duhet të jetë Tahir Batatina përzgjedhës i Kosovës në futboll?

/ 3 minuta lexim
ARKATANA

Trajneri i Llapit, Tahir Batatina, për gjatë 10 viteve në futbollin e Kosovës ka thyer shumë barriera dhe enigma në futbollin e Kosovës.

Batatina për 10 vite në skenën e futbollit Kosovar, ka arritur ta nxjerrë skuadrën e Llapit nga humnera e nga “lloqi”, duke e bërë një skuadër të respektuar në futbollin e Kosovës por edhe më gjerë.

Batatina për 10 vite ka arritur rezultate që shumë pak trajner mund ti arrijnë. Ai me skuadrën e Llapit ka triumfuar dy herë në Kupën e Kosovës dhe njëherë në Superkupë, poashtu ka marrë pjesë edhe në garat evropiane.

Trajneri Tahir Batatina ka arritur që stadiumin e Llapit, i cili ishte më i pa-përshtatshmi në futbollin e Kosovës, ta shëndrron në stadiumin më të mirë në Kosovë – këtë e kanë pranuar edhe zyrtarët e UEFA-së.

Virtyti më i madh i trajnerit Batatina është disiplina, rregulli, niveli menaxhues dhe projekti afatgjatë – të gjitha këto kanë dhënë fryt në punën e tij tek skuadra nga Podujeva.

Trajneri Batatina është ndër trajnerët më të guximshmit në futbollin e Kosovës, ai i thotë troç të gjitha gjërat – i pëlqejnë ndokujt apo jo. Batatina është njëri ndër trajnerët i cili më së shumti i’u ka dhënë mundësi futbollistëve të ri të promovohen në Superligën e Kosovës, dhe të cilët me mjaft sukses nën-drejtimin e tij kanë bartur barrën kryesore në klubin e Llapit, shumë prej tyre tani karrierën e zhvillojnë edhe në klube të njohura evropiane.

Mobi Casa

Tahir Batatina i cili ka të kryer Akademinë Ushtarake, ka udhëhequr me mjaft sukses kadetët, kjo ka bërë që ai të jetë një lider i vërtetë edhe në fushë të futbollit.

Batatina asnjëherë nuk është ndalur së punuari, ai duke e parë zhvillimin e edukimin e futbollit evropian, është duke përcjellë me vëmendje futbollin modern të cilin po e zbaton dhe do ta zbaton edhe në të ardhmen duke e bërë një trajner mjaft të fortë.

Kombëtarja e Kosovës në futboll, pas dorëheqjes së trajnerit Alain Giresse, krerët e FFK-së, Komiteti Ekzekutiv, duhet t’ju japin rastin trajnerëve vendor dhe duhet respektuar punën e tyre në maksimum e jo të anashkalohen.

Federata e futbollit të Kosovës, është në negociata me shumë trajner të huaj të cilët nuk janë aspak më të mirë se trajnerët tanë, por tani është e udhës që t’ju jepet rasti dhe të dëshmojnë se edhe në futbollin e Kosovës trajnerët janë cilësorë.

Kombëtarja e Kosovës tani ka nevojë për punë, disiplinë, dëshirë e vizioni për të ardhmen, e të gjitha këto i posedon trajneri Tahir Batatina. /rajonipress/