PSD do ta rishikojë marrëveshjen me PDK

Nga Kujtim Shahiqi- Kryetari i Gjilanit është si drita ; sa më i errët të jetë vendi, aq më shumë ndriçon.

Nëse kryetari është vasal i qytetit padyshim” paria “ do të jenë drejtorët e drejtorateve,për ta plotësuar këtë kolorit ironik na duhet vetëm Nasradini i qytetit ,e, ky nder do t`i takoj opozitës.

Pushteti është fuqi institucionale e bazuar në normativat e paragjykuara të cilat kanë pas vetës autoritetin,i cili vije nga vota e qytetarëve ose nga rendi shoqëror. Rregullimi normativë është baza e konsolidimit të pushtetit.

Pa organizim nuk ka pushtet. Pushteti është organizimi legjitim i fuqisë,ku është pushteti aty janë vendosë raportet në mes të detyrave dhe të drejtat e bartësve të tyre. Pushteti është në aso raporte ku nuk ka vend për vetëdeshirë dhe dëgjueshmëri të verbër ,raporte mes veti të kjarta.

Fuqia është në mënyrë difuze e shpërndarë ,kurse pushteti lëvizë në kufi të caktuara. Ajo nuk do të thotë kontroll absolutë .Për vendosjen e kontrollit duhet sanksione,për sanksione duhet edhe instrumente sanksionuese ,viktima ….aktori statik dhe sporadik

Para 3 viteve kurë PDK-në në krye me Qemajl Mustafën fituan zgjedhjet për kryetarë të komunës , PSD në Gjilan ishte pjesë e Vazalizmit ku mori pjesë në “parinë” e qytetit me dy drejtorate atë të Inspeksionit dhe drejtoratin e Kulturës .

Ndodhi çka ndodhi dhe drejtori i drejtoratit për rini sport dhe kulturë u shkarkua nga ky post. Me siguri zëvendësimi i këtij posti duhet t`i takoj PSD-së në Gjilan. Këtë të drejtë ,e bazuar në marrëveshjen e koalicionit të asaj kohe .

Por logjika oriantale e një vazali “Ma mirë një vezë sot se sa një pulë në mot “ këtë të drejtë nga një marrëveshje e xhentëlmenëve të asaj kohe e zëvendësoi me kandidatin nga radhët e PDK-se. Logjika e numrave parlamentar janë në favor të Kryetarit ….,kaq ishte,….tani në skenë hyn nasradini.

Nasradin Hoxha simbol satirik i kritikës së pushtetit pas 3 viteve bëhet pjesë e numrave logjikë dhe dardha e ka bishtin mbrapa ,dikush nga opozita dëshiron të hyjë në pushtet duke kërkuar kryesuesin e parlamentit si pjesë legjislative e pushtetit e jo drejtori si pjesë ekzekutive me të drejtën që pas një kohe ta ruaj të drejtën e kritikes .

Por vazali që udhëton me pajtonin e tij nga nahija e Prishtinës për në Gjilan që komunës sonë të varfër i kushton me shumë se 3000 “ lira” për karburante (shpenzime mujore) këtë e bënë për një pagesë prej 900 “lira’ me siguri prekëse ,sido që të jetë deklaron ai , e donë qytetin e mos të flasim për miletin.

A do të vazhdojë PSD dega në Gjilan të jetë pjesë e koalicionit dhe a do të fillojë të shpalosë parregullsitë e shumta të këtij pushteti kuptohet duke qenë kritik dhe autokritik.
PSD në Gjilan këto ditë do të mbajë mbledhjen e kryesisë së degës që të shqyrtoj gjendjen e krijuar pas emërimit të drejtorit të kulturës rinisë dhe sportit nga radhët e PDK-së pa respektuar marrëveshjen e koalicionit.

PSD në kuvendin komunal ka 3 deputet si G-3 dhe aktualisht mban postin e drejtorit te Inspeksionit në komunën e Gjilanit.

(Kujtim Shahiqi është anëtar i kryesisë se PSD dhe kandidat për Drejtor të Drejtoratit për Kulturë nga radhët e PSD)

Shpërndaje.
© RAJONIPRESS