Promovohet libri i Halim Hasanit “Ylli i vogël”

Gjilan – Në ambientet e Hotelit Kristal është promovuar libri më i ri i Halim Hasanit poet nga Kosova Lindore. Për librin kanë folur Arsim Halili, Bilall Maliqi,Hysen Kqiku,Adolf Zinsstag, Nexhat Rexha etj.

Në prani të shumë pjesëmarrësve,poet,shkrimtar,letrar është promovuar libri më i ri i Halim Hasanit poet dhe shkrimtar nga Kosova Lindore. Libri më i ri i titulluar “Ylli i vogël” ka mbledhur shumë dashamirë të fjalës e librit në ambientet e Hotelit Kristal.

Recensenti i librit Arsim Halili tha se Halim Hasani pasi ka bërë përpjekje për të shkruar si poet e publicist ka bërë edhe një libër që përshkruhet gjenealogjia e familjes Azemi,natyrisht në mënyrë sipërfaqësore,nga stërgjyshi deri te vet protagonisti i këtij libri Rejhan Azemi. Në ecuri e sipër përshkruhet karakteri,jeta rurale,rrethanat sociale nga gjenerata në gjeneratë etj.

Krijuesi tjetër Billall Maliq tha se “Ylli i vogël” është titull interesant dhe shumë modest .Sipas tij libri më tepër i ngjason një monografie për këtë djalosh,sepse elementet dhe renditja e lëndës bie në rrafshin monografik.

Nexhat Rexha krijues tjetër tha se libri si ky i sotmi që po e promovojmë kanë rëndësi të madhe për rrugën artistike të një Ylli premtues,edhe për vet qytetin e Gjilanit. Adolf Zinsstag violinist nga Zvicra ka folur për Yllin si nxënës të cilin e kishte mësuar nga fëmijëria. Zinsstag ka folur fjalë miradije për të rinjtë shqiptarë që me aq pasion e dashuri mundohen të jenë inteligjent edhe jashtë shtetit të tyre.

Hysen Kqiku krijues nga Gjilani tha se Ylli i vogël kushtuar Rejhan Azemit shpalos vlerën,talentin dhe dhuntinë që i ka dhënë nënë natyrë. Për librin ka folur edhe Heset Rexhepi. Kurse Halim Hasani tha se librin e ka bërë me përkushtim dhe dëshirë për të promovuar vlerat e djelmoshave që po jetojnë,veprojnë dhe punojnë në perëndim./rajonipress/