Promovohen librat e autorëve Flamur Hyseni e Burim Haliti

Gjilan – Organizata “Lobimi për Ligjin dhe Demokracinë”, organizon promovimin e dy librave shkencorë në Gjilan. Ky eveniment shkencorë do të organizohet më 8 qershor 2013, prej orës 11:00, në teatrin e qytetit.

Dy autorët e njohur dhe ekspert të fushës juridike dhe ekonomike pritet të promovojnë librat e tyre. I pari Flamur Hyseni promovon librin “Aspekte juridiko – filozofike të nocionit të lirisë dhe vlerës së saj”, me recensentë Osman Ismaili dhe Akademik Arsim Bajrami, kurse Burim Haliti, “Prokurimi publik në Komunën e Gjilanit për vitet 2005 – 2007”, me recensentë: Sabri Kadriu.

Në këtë ngjarje shkencore në panel do të jenë Osman Ismaili, Arsim Bajrami, Sabri Kadriu, Flamur Hyseni, Burim Haliti dhe Deniza Limani.

Në këtë ngjarje shkencore do të jenë të pranishëm dhe që kanë konfirmuar ardhjen personalitete të shquara nga jeta shkencore – akademike, kulturore, politike, biznesi, sporti, studentë, media lokale dhe qendrore, mysafir nga këto fusha do të vinë edhe nga Shqipëria, Maqedonia, Mali i zi dhe Lugina e Preshevës./rajonipress/