Prokuroria Speciale ngritë aktakuzë kundër kryetarit të Kllokotit lidhur me zgjedhjet e 14 shkurtit 2021

Gjilan – Prokuroria Speciale e Republikës së Kosovës (PSRK), ka ngritur aktakuzë në Gjykatën Themelore në Prishtinë – Departamenti Special, kundër të pandehurit me Bozhidar Dejanoviq, lidhur me zgjedhjet e 14 shkurtit të vitit 2021.

Prokuroria Speciale njofton se aktakuzën e ka ngritur kundër të pandehurit Bozhidar Dejanoviq, Kryetar i Komunës së Kllokotit, për shkak se është vërtetuar dyshimi i bazuar se ka kryer veprën penale “Cenimi i përcaktimit të lirë të votuesve’’ e paraparë dhe sanksionuar me nenin 210 të Kodit Nr. 06/L-074 Penal të Republikës së Kosovës thuhet në njoftimin e zyrës për Komunikim Publik në ZKPSH – Prokuroria Speciale e Republikës së Kosovës./rajonipress/

Shpërndaje.
© RAJONIPRESS