Prokuroria në Gjilan ngre tri aktakuza ndaj 20 personave, 18 prej tyre për mashtrim

Gjilan – Prokuroria Themelore në Gjilan ka ngritur gjatë 24 orëve të fundit tri aktakuza ndaj gjithsej 20 personave, për vepra të ndryshme penale.

Sipas njoftimit të Prokurorisë, aktakuzat janë ngritur më 8 shtator 2026, ndërsa numri më i madh i të akuzuarve lidhet me një rast të mashtrimit.

Në kuadër të këtyre procedurave, Prokuroria ka ngritur:

një aktakuzë ndaj 18 personave për veprën penale “Mashtrimi”;
një aktakuzë ndaj një personi për veprën penale “Kanosja”;
një aktakuzë ndaj një personi për veprën penale “Lëndimi i lehtë trupor”.
Me ngritjen e këtyre aktakuzave, Prokuroria Themelore në Gjilan ka proceduar rastet drejt fazës së shqyrtimit gjyqësor. Ndërkohë, përgjegjësia penale e personave të akuzuar do të përcaktohet vetëm pas vendimit përfundimtar të gjykatës./rajonipress/