Prokuroria në Gjilan ngre katër aktakuza ndaj tetë personave për vepra të ndryshme penale

Gjilan – Prokuroria Themelore në Gjilan ka ngritur katër (4) aktakuza kundër tetë (8) personave, të dyshuar për përfshirje në vepra të ndryshme penale, duke vazhduar angazhimin e saj në luftimin e kriminalitetit dhe forcimin e rendit juridik.

Sipas njoftimit zyrtar, një aktakuzë është ngritur kundër tre (3) personave për veprën penale “Ngacmimi”.

Ndërkaq, një tjetër aktakuzë përfshin tre (3) persona të dyshuar për “Shkaktim të rrezikut të përgjithshëm” dhe “Mbajtje në pronësi, kontroll ose posedim të paautorizuar të armëve”.

Po ashtu, Prokuroria ka ngritur një aktakuzë kundër një (1) personi për veprën penale “Dhuna në familje”, si dhe një tjetër ndaj një (1) personi për “Lajmërim apo kallëzim të rremë”.

Prokuroria Themelore në Gjilan ka bërë të ditur se do të vazhdojë të ndërmarrë veprime ligjore ndaj të gjithë personave që bien ndesh me ligjin, me qëllim garantimin e sigurisë dhe mbrojtjen e qytetarëve./rajonipress/