Prokuroria në Gjilan ngre gjashtë aktakuza ndaj gjashtë personave për vepra të ndryshme penale

Gjilan – Prokuroria Themelore në Gjilan ka ngritur gjashtë aktakuza ndaj gjashtë personave, për vepra të ndryshme penale, përfshirë dhunën në familje, lëndimin e lehtë trupor dhe dëmtimin e pasurisë.

Sipas njoftimit të Prokurorisë Themelore në Gjilan, gjatë veprimeve të saj procedurale janë ngritur gjithsej gjashtë aktakuza ndaj gjashtë personave.

Aktakuzat e ngritura përfshijnë këto vepra penale:

Dhuna në familje – një aktakuzë ndaj një personi;

Lëndim i lehtë trupor – një aktakuzë ndaj një personi;

Asgjësimi apo dëmtimi i pasurisë – një aktakuzë ndaj një personi;

Keqpërdorimi i besimit – një aktakuzë ndaj një personi;

Vjedhje e shërbimeve – një aktakuzë ndaj një personi;

Shpërdorimi i pasurisë së huaj – një aktakuzë ndaj një personi.

Prokuroria nuk ka bërë të ditura detaje të tjera lidhur me rrethanat konkrete të rasteve dhe identitetet e personave ndaj të cilëve janë ngritur aktakuzat.

Ngritja e aktakuzës shënon vazhdimin e procedurës penale, ndërsa përgjegjësia penale e të akuzuarve duhet të përcaktohet nga gjykata me vendim të formës së prerë./rajonipress/