Prokuroria në Gjilan ndalon një të dyshuar për narkotikë, ngrihet aktakuzë edhe për vjedhje të shërbimeve

Gjilan – Prokuroria Themelore në Gjilan ka bërë të ditur se gjatë 24 orëve të fundit ka ndërmarrë veprime konkrete në luftimin e kriminalitetit, duke ndaluar një person të dyshuar për vepra që lidhen me narkotikët dhe duke ngritur një aktakuzë për veprën penale të vjedhjes së shërbimeve.

Sipas njoftimit zyrtar, me urdhër të prokurorit kujdestar është ndaluar një person, ndaj të cilit ekziston dyshimi i bazuar se ka kryer veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”, e paraparë me nenin 267 të Kodit Penal të Republikës së Kosovës.

Ndërkohë, Prokuroria Themelore në Gjilan ka ngritur edhe një aktakuzë ndaj një personi tjetër për veprën penale “Vjedhje e shërbimeve”.

Prokuroria ka theksuar se mbetet e përkushtuar në luftimin e të gjitha formave të kriminalitetit dhe në ndjekjen penale të personave të dyshuar, duke vepruar në përputhje me kompetencat ligjore dhe në bashkëpunim me institucionet e zbatimit të ligjit./rajonipress/