Prokuroria merr në pyetje Bordin e “Eco – Higjienës” Bordin e Aksionerëve dhe zyrtarët komunal

Gjilan – Prokuroria Themelore në Gjilan departamenti për krime të rënda ka nisur të hetojë degradimin e ambientit dhe kaosin ekologjik që erdhi si pasojë e grevës së punëtorëve në “Eco – Higjiena”. Në pyetje janë duke u marrë komplet bordi i “Eco – Higjienës”, Bordi i Aksionerëve dhe zyrtar e drejtor nga Shërbimet Publike e drejtoria e zhvillimit ekonomik.

Prokuroria e Gjilanit duke parë shqetësimet e qytetarëve për mos largimin e mbeturinave nga ana e kompanisë “Eco – Higjiena” e cila erdhi si rezultat i një greve të punëtorëve dhe duke parë neglizhencën ekstreme të zyrtarëve komunal ka nisur një hetim të thellë rreth degradimit të ambientit.

Tashmë në pyetje nga hetuesit janë duke u marrë komplet bordi i “Eco – Higjienës”, bordi i aksionerëve dhe zyrtarë komunal dhe drejtor nga shërbimet publike dhe zhvillimi ekonomik.

Gjilani për një javë rresht ishte në qendër të pamjeve të zymta dhe shqetësimet e qytetarëve arritën kulmin nga bërlloku i shumtë dhe qentë endacak./rajonipress/