Prokurori Isuf Sadiku e hedh poshtë kallëzimin penal ndaj Eltena Hysenit dhe Ali Morinës

Gjilan – Isuf Sadiku e ka hedhur poshtë kallëzimin penal të parashtruar nga ana e Antigona dhe Venera Avdullahi kundër Eltena Hysenit dhe Ali Morinës nën dyshimin se kanë kryer veprën penale “Keqpërdorim i pozitës apo autoritetit zyrtar” dhe “Asgjësim apo dëmtim i pasurisë”. Familja Avdullahi edhe zyrtarisht fundoset dhe i humbet komplet investimi prej 80 mijë eurove donacion nga Ruzhdi Shabani.

Në aktvendim thuhet se nuk ekziston asnjë dyshim i arsyeshëm nga provat që disponon Prokuroria se Entela Hyseni dhe Ali Morina i kanë kryer veprat penale.

Isuf Sadiku prokuror i shtetit në aktvendim ka përmendur të gjitha faktet dhe provat me të cilat nuk tregohet se Entela Hyseni dhe Ali Morina janë të inkriminuar.

Duke marrë për bazë edhe të gjitha dëshmitë që Inspeksioni ka ofruar dhe argumentuar është konstatuar dhe është hedhur poshtë kallëzimi penal i ushtruar nga Familja Avdullahi.

Ndryshe shtëpia e familjes Avdullahi ishte nisur së ndërtuari falë donacionit të mërgimtarit Ruzhdi Shabani, i cili kishte investuar hiq më pak se 80 mijë euro.

Familja 17 anëtarësh tani edhe zyrtarisht ka mbetur pa kulm mbi kokë dhe në gjendje të mjerueshme./rajonipress/

Shpërndaje.
© RAJONIPRESS