Projekti PDK, LDK dhe AAK

Kriza politike dhe institucionale në Kosovë nuk i ka lënë anash dhe indiferentë as miqtë ndërkombëtarë të Kosovës, të cilët ishin aktivë gjatë fazës së shpalljes së pavarësisë.

Gazeta Tribuna merr vesh nga burimet e saj diplomatike se disa nga liderët e partive politike janë kontaktuar sërish nga ish-lobistët ndërkombëtarë dhe mbështetësit e Kosovës (emrat e të cilëve janë të njohur për gazetën), të cilët kanë ofruar edhe ndërmjetësimin e tyre për tejkalimin e ngërçit në Kosovë.

Formula që ishte përmendur me këtë rast është ajo e krijimit të koalicionit, i cili është provuar tashmë ne Kosovë, ndërmjet PDK-së, LDK-së dhe AAK-së, ku si kategori kushtetuese më pas do të hynin edhe pakicat.

Opsioni i parë që ishte përmendur rreth ndarjes së posteve, ka qenë që Ramush Haradinaj të ishte i nominuari për postin e kryeministrit, Isa Mustafa për kryetar të Kuvendit, kurse Hashim Thaçi për presidentin e ardhshëm të vendit, pas përfundimit të mandatit të presidentes Atifete Jahjaga. Ky koalicion do të udhëhiqej nga parimi i shumicës parlamentare./Tribuna/.