Profesoresha e UBT-së, Kozeta Sevrani mori çmimin Akademiku i Vitit

Prishtinë – Profesoresha nga Tirana, njëherit edhe ligjëruese me vite të tëra në UBT, Kozeta Sevrani, për kontributin e jashtëzakonshëm që ka dhënë në zhvillimin e botës akademike, “ICTS Media”, në Shqipëri, organizoi edicionin e dytë “Albanian ICT Aëards”, ku prof. Sevranin e nderuan me Çmimin Akademiku i Vitit.

Ky çmim u nda në prani të shumë personaliteteve qeveritare të të dyja vendeve, si nga Shqipëria ashtu dhe nga Kosova, profesorë, ekspert dhe student të shumë universiteteve.

Vlen të citohet se profesoresha Sevrani, ka botuar një numër të madh tekstesh shkencore universitare, dhe sot studiuesit e njohur, si të huaj ashtu edhe ata vendorë të cilët ligjërojnë në UBT, dhe më tej, në shumicën e rasteve përdorin pandalshëm librat e saja.

Sevrani, sot përveç ushtrimit të profesionit të pedagoges, drejton edhe disa poste nëpër institucione universitare.

Ky event përfshin shqiptare profesioniste të fushës nga të gjitha trevat shqiptare./rajonipress/