Princi saudit tërbohet me revistën Forbes: Jam më i pasur
RajoniPress
20:23, 5 Mars, 2013
Princi i Arabisë Saudite, Alwaleed Bin Talal ka akuzuar revistën Forbes se ka nënvlerësuar pasurinë e tij.
Sipas BBC, në listën e njerëzve më të pasur në botë për vitin 2013, princi ka një pasuri prej 20 miliard dollarë dhe renditet në vendin e 26-të.
Por princi thotë se pasuria e tij është 29.6 miliard dollarë, çka e vendos atë në vendin e dhjetë.
Forbes thotë se e ka analizuar në thellësi pasurinë e tij.
Revista thotë se as i famshmi Donald Trump, që njihet për gjëra të tilla, nuk është ankuar për mënyrën se si i është vlerësuar pasuria.
Listën e kryeson meksikani Carlos Slim. Në vendin e dhjetë është Bernard Arnault me 29 miliard dollarë.
