Presidentja sllovene Pirc-Musar e quan akt të neveritshëm dhe qyqar sulmin me eksploziv të kanalit Ibër-Lepenc

Presidentja e Sllovenisë, Natasha Pirc Musar, ka reaguar pas sulmit të së premtes me eksploziv ndaj kanalit Ibër – Lepenc.

Pirc-Musar, përmes një postimi në platformën “X” ka thënë se është e bindur se autorët do të gjenden dhe do të dalin para drejtësisë.

“Çdo sulm ndaj civilëve në çfarëdo forme është një akt i neveritshëm e qyqar dhe sabotimi i infrastrukturës kritike civile që furnizon popullin e Kosovës me ujë të pijshëm nuk është asgjë më pak se kaq”, ka shkruar presidentja sllovene, transmeton Telegrafi.

Ajo ka thënë se është e bindur se autorët e këtij akti do të gjenden dhe do të dalin para drejtësisë. /Telegrafi/