Presidentja Osmani uron Erdoganin për fitoren në zgjedhjet për president të Turqisë
RajoniPress
20:18, 28 Maj, 2023
Presidentja e Republikës së Kosovës, Vjosa Osmani është ndër të parët liderë botërorë që kanë uruar Recep Tayyip Erdogan për fitoren në zgjedhjet e balotazhit në Turqi.
“I shprehim urimet tona të përzemërta Presidentit Recep Tayyip Erdogan për fitoren e sotme. Ndërsa ju vazhdoni ta udhëhiqni Turqinë drejt sukseseve të reja, mezi pres të punojmë së bashku për të vazhduar bashkëpunimin tonë të shkëlqyer”, ka shkruar Osmani në Twitter, përcjell Telegrafi.
“Le të vazhdojë të forcohet partneriteti mes Kosovës dhe Turqisë”.
Sipas rezultateve të mediave në Turqi, Erdogan do të jetë president edhe për një mandat
Ndryshe, gjatë ditës së diel në Turqi është mbajtur raundi i dytë i zgjedhjeve presidenciale, ku qytetarët e këtij vendi – me votën e tyre – kanë vendosur se kush do ta drejtojë vendin në pesë vitet e ardhshme.
Dhe sipas rezultateve të publikuar nga mediat turke, Recep Tayyip Erdogan ka dalë fitues në raport me kundëkandidatin Kemal Kiliçdaroglu.
Raundi i parë i zgjedhjeve u mbajt më 14 maj dhe duke qenë se asnjë kandidat nuk fitoi më shumë se 50 për qind të votave, dy kandidatët kryesorë u desh të përballen sot (28 maj) në balotazh. /Telegrafi/
