Presidentja Jahjaga priti futbollistet e klubit të femrave ‘Kosova” të Prishtinës

Prishtinë – Presidentja e Republikës së Kosovës, zonja Atifete Jahjaga priti sot drejtuesit dhe futbollistet e klubit të femrave ‘Kosova’ të Prishtinës.

Ky klub sivjet është shpallur kampion i Kosovës, ndërsa ka fituar edhe kupën e Kosovës në futbollin e femrave, kupë të cilën ato ia dhuruan Presidentes Jahjaga.

Presidentja Jahjaga i uroi drejtuesit dhe futbollistet e klubit Kosova e Prishtinës për sukseset e deritashme, që kanë arritur në gara dhe u dëshiroi shumë suksese në të ardhmen.

Ajo u premtoi atyre përkrahje për krijimin e kushteve sa më të mira për përparimin dhe masivizimin e futbollit të femrave e sidomos për krijimin e mundësive që sportistët kosovarë të marrin pjesë në garat ndërkombëtare.

Shpërndaje.
© RAJONIPRESS