Presheva kërkon sqarimin e vdekjes së shqiptarit në burgun e Vranjës

Liderë të partive politike në Luginë të Preshevës do t’i shkruajnë kryeministrit dhe zëvendëskryeministrit të Serbisë Ivica Daçiq e Alekasandër Vuçiq për t’iu kërkuar garanci se premtimet që kanë marrë gjatë bisedimeve të mëhershme do të realizohen, ka thënë për FoNet kryetari i Kuvendit të Komunës së Bujanocit Shaip Kamberi.

Siç njofton kjo agjenci, Kamberi ka thënë se bisedimet nuk janë ndërprerë porse “deri sa të sqarohet vdekje e shqiptarit, (Reshat Bajrami) në burgun e Vranjës nuk ka kushte për vazhdimin e bisedave”.

Kamberi ka shtuar gjithashtu se është koha e fundit që të zgjidhet çështja e përmendores së UÇPMB –së në Preshevë.