“Poshtë leximi – Rroftë analfabetizmi”

Nga Ismet Rashiti

Aty ku vlerësohet matrapazi e jo dijetari dhe punētori,
Aty ku gënjeshtra dëgjohet më shumë se e vërteta,
Aty ku analfabeti çmohet më shumë se akademiku,
Aty ku veteranët e rrejshëm çmohen më shumë se luftëtarët e vërtetë,
Aty ku antivlera çmohet më tepër se vlera,
Aty ku mediokriteti çmohet më tepër dhe dijetari mbetet i heshtur,
Aty ku amatorizmi ia zë vendin profesionistit,
Aty ku gënjeshtra përhapet me TV dhe e vërteta mbetet e izoluar tërësisht,
Aty ku blihet dija me para e me nepotizëm dhe nuk vlerësohet puna e talenti,
Aty ku nuk vlerësohet gjuha e nënës, por flitet gjuha e huaj,
Aty ku të gjithë dinë çdo gjë, nuk ka profesionalizëm,
Aty ku njē shoqēri klanizohet dhe mohohen institucionet,
Aty ku juristi bëhet mjek e letrari bëhet gjykatës,
Aty ku xhelozia e mund realitetin dhe arsyen,
Aty, pra, është shumë vështirë të ecet përpara dhe të ketë përparim.