Policia veproi drejtë në veri

Deklaratat e disa diplomatëve të huaj në Bruksel dhe Organizatave Ndërkombëtare të cilat kanë thënë që Policia e Kosovës nuk e ka kryer si duhet punën në veri gjatë procesit zgjedhor, i ka hedhur poshtë kreu i Ministrisë së Punëve të Brendshme, Bajram Rexhepi.

Ai tha se, Policia e Kosovës ju ka përmbajt planit operativ në veri të Mitrovicës dhe e ka kryer punën në mënyrë profesionale.

“Policia iu ka përmbajt planit operativ dhe ne gjithë e dimë gjendjen në veri, prandaj në atë pjesë të Kosovës PK relativisht mirë e kanë kryer detyrën e tyre, kanë qenë në bashkëpunim të ngushtë me EULEX-in dhe KFOR-in”, ka thënë Rexhepi.

Sipas të parit të rëndit në Kosovë, është respektuar zinxhiri komandues në një ambient të tillë ku së pari herë janë mbajt zgjedhjet të organizuar nga institucionet e Kosovës dhe duke ditur që Policia e Kosovës në veri gjithnjë ka qenë pak më fragjile.

“Këtë herë ata kryesisht e kanë kryer detyrën si duhet. Një akt i tillë i sulmit në 3 qendra të votimit me një potencial negativ të përgatitur më parë që mos të lejohet ato zgjedhje gjithnjë mund të ndodhë, por reagimi edhe i policisë por edhe më vonë i EULEX dhe i KFOR-it megjithatë ka qenë adekuat dhe këtë e konsdierojmë si incident i izulouar. Për ndryshe në 3 komunat tjera dhe në pjesë të tjera të Mitrovicës veriore punët kanë shkuar qetë”, ka shtuar ministri Rexhepi./Indeksonline/