Policia po heton zyrtarë të lartë të Ranillugut

Gjilan – Ismet Hashani zëdhënës i policisë në Gjilan ka konfirmuar për rajonipress se njësia kundër krimeve të rënda ekonomike është duke hetuar komunën e Ranillugut rreth disa parregullsive në dhënien e tenderëve që dyshohet se nuk i kanë përfillur kriteret ligjore.

Komuna e Ranillugut edhe pse me një jetëgjatësi të shkurtër të funksionimit të saj është bërë arenë e vizitave të njësisë hetuese të krimeve të rënda. Tashmë zyrtarisht është konfirmuar nga policia e Gjilanit se njësia kundër krimeve të rënda ekonomike është duke e hetuar zyrën e prokurimit në Ranillug.

Ismet Hashani zëdhënës i policisë në Gjilan ka konfirmuar për rajonipress se njësia kundër krimeve të rënda ekonomike është duke hetuar komunën e Ranillugut rreth disa parregullsive në dhënien e tenderëve që dyshohet se nuk i kanë përfillur kriteret ligjore.

Sipas Hashanit në këto hetime janë të përfshitë disa zyrtarë lokal të cilët po intervistohen nga njësia hetuese që vepron në regjionin e Gjilanit. Por burimet tona nga policia dhe prokuroria thanë se në pistën e këtyre hetimeve mund të përfshihet edhe Gradimir Mikiq kryetar i Ranillugut.

Prokuroria ende nuk ka ngritur aktakuzën pasi janë në fazën e hetimeve dhe marrjen në pyetje të njerëzve që dyshohet se janë të përfshirë në këtë rast. Njësia hetuese ka marrë në pyetje shefin e zyrës së prokurimit Gradimir Gjorgjeviq dhe mbi 10 zyrtarë të administratës komunale ./rajonipress/