Policia ndalon një veturë në Novosellë të Kamenicës, një shtetas britanik dyshohet për kalim të kundërligjshëm të kufirit

Kamenicë – Një shtetas britanik me origjinë nga Kenia është ndaluar nga Policia e Kosovës në fshatin Novosellë të Kamenicës, nën dyshimin për kalim të paautorizuar të kufirit.

Sipas raportit policor, rasti është regjistruar më 13 tetor 2026, rreth orës 00:25, kur njësitet policore, gjatë patrullimit, kanë ndaluar një veturë të drejtuar nga një shtetas kosovar.

Gjatë kontrollit të automjetit, zyrtarët policorë kanë hasur një person nga Kenia, me shtetësi britanike, i cili dyshohet se kishte kaluar kufirin në mënyrë të kundërligjshme.

Lidhur me rastin, policia ka konsultuar prokurorin kompetent. Pas intervistimit, të dy personat janë liruar dhe rasti do të trajtohet në procedurë të rregullt.

Deri më tani, në raportin policor nuk janë bërë të ditura detaje të tjera lidhur me rrethanat e dyshuara të kalimit të kufirit./rajonipress/