Policia me ligjërata vetëdijesuese për sigurinë e nxënësve të shkollës fillore “Abaz Ajeti” në Gjilan

Gjilan – Policia e Kosovës, njësitet policia në komunitet, stacioni Policor në Gjilan, në bashkëpunim me inspektorët komunal të komunikacionit rrugor dhe drejtorinë e shkollës fillore “Abaz Ajeti” në Gjilan kanë realizuar një ligjëratë me nxënësit e klasave të treta të kësaj shkolle me temën “Siguria ne Rrugë”, ku nxënësit janë informuar fillimisht në klasë pastaj edhe në mënyrë praktike në rrugë ku për se afërmi janë informuar nga zyrtarët policor dhe Inspektorët e komunikacionit komunal se ku dhe si duhet me kaluar rrugën, po ashtu atyre u janë shpjeguar rregullat dhe shenjat që gjendet në komunikacion.

Polica e Kosovës do të vazhdoj aktivitetet vetëdijesuese me qëllim që të rritet siguria e fëmijëve veçanërisht nëpër shkollat që gjenden pranë rrugëve me komunikacion të zhvilluar./rajonipress/