Policia konfiskon armë në Kmetovc e Berivojcë

Gjilan – Në dy raste të ndara policia e Kosovës ka konfiskuar armë në fshatin Berivojcë të Kamenicës dhe në Kmetovc të Gjilanit.

Sipas policisë në fshatin Berivojcë, të Kamenicës është arrestuar i dyshuari mashkull shqiptar, pasi që gjatë kontrollit në lokalin e tij, është gjetur dhe konfiskuar një pistoletë me katër fishekë. Me vendim të prokurorit i dyshuari pas intervistimit është liruar në procedurë të rregullt.

Edhe në fshatin Kmetovc, të Gjilanit është arrestuar i dyshuari mashkull shqiptar, pasi që tek i njëjti është gjetur dhe konfiskuar një pistoletë. Me vendim të prokurorit i dyshuari pas intervistimit është liruar në procedurë të rregullt njoftoj policia e Kosovës./rajonipress/