Policia e Gjilanit me ligjëratë vetëdijësuese në shkolla kundër dukurive negative

Gjilan – Drejtoria Rajonale e Policisë Gjilan, Njësiti i Komunitetit të Stacionit Policor Gjilan në vazhdën e implementimit të planit operacional “Siguria në shkolla” në shkollën e mesme të ulët “Liria” në fshatin Pogragjë ka realizuar një ligjëratë vetëdijësuese kundër dukurive negative në shkolla me temë: “Delikuenca e të miturve”, “Dukuritë negative në shoqëri” dhe “Dhuna në familje”.

Ligjërata është realizuar me nxënës të klasave VII, VIII dhe IX, ndërsa pjesëmarrës kanë qenë një numër i konsiderueshëm i nxënësve.

Nxënësit nëpërmjet këtyre ligjëratave kanë pasur mundësi që të marrin njohuri rreth këtyre dukurive negative dhe njëkohësisht kanë qenë të inkuadruar në bashkëbisedim për mundësinë e ndikimit në parandalim të këtyre dukurive.

Kjo ligjëratë është mirëpritur dhe vlerësuar pozitivisht dhe shumë të dobishme edhe nga drejtoria e shkollës dhe personeli arsimor.

Drejtoria Rajonale e Policisë Gjilan do të vazhdoj edhe më tej me ligjërata vetëdijësuese me qëllim të parandalimit të dukurive negative dhe rritjes së nivelit të sigurisë në ambientet shkollore./rajonipress/

Shpërndaje.
© RAJONIPRESS