Policia e Gjilanit arreston dy të dyshuar për posedim të substancave narkotike

Gjilan – Policia e Kosovës, Hetuesit policorë të stacionit të Gjilanit përmes rrugëve operative në rrugën “Skënderbeu” në Gjilan kanë ardhur deri te informata të besueshme se dy të dyshuarit shqiptar shtetas të Kosovës janë në posedim të substancës narkotike.

Gjatë kontrollimit fizik tek njëri nga ta janë gjetur 22 paketime që besohet të jetë substancë narkotike e llojit marihuanë me peshë 11.06 gram, ndërsa tek i dyshuari tjetër janë gjetur 2 paketime substancë e njëjtë me peshë 0.9 gram.

Substanca narkotike ka rezultuar të jetë pozitive në testin fushor. Pasi që janë intervistuar të dyshimtit në prani të avokatëve mbrojtës, me urdhër të Prokurorit të shtetit, për të dy është caktuar vendimi mbi ndalimin për 48 orë. Rasti procedohet në Prokurorinë Themelore ka thënë Ismet Hashani./rajonipress/