Policia bastis tri fshatra serbe për keqpërdorime të procesit zgjedhor

Gjilan – Me vendimin e prokurorisë së Gjilanit policia ka bastisur tri lokacione në këto fshatra Kllokot, Vërbovc dhe Pisjan për keqpërdorim të procesit zgjedhor, përmes votimit me asistencë dhe dokumente të falsifikuara të lëshuara nga shtëpia e shëndetit në këto fshatra.

Përmes planit mirë të operuar nga Radojqiqi dhe strukturat paralele në Kllokot e fshatrat tjera serbe, është arritur të lëndohet procesi zgjedhor duke lëshuar dokumente dhe certifikata të falsifikuara përmes votimit me asistencë, prokuroria dhe polica e Gjilanit është alarmuar dhe të premtën ka realizuar bastisje në Kllokot, Verbovc dhe Pisjan.

Bastisjet për rajonipress i ka konfirmuar kryeprokurori Arben Kadriu.

Ndryshe këto certifikata nga shtëpia e shëndetit janë lëshuar me urdhër të strukturave paralele për të kontrolluar votat.

Lista serbe me votimin me asistencë e ka realizuar planifikimin, organizimin që të votojnë grupe – grupe, turma nga ora 8 deri 12, ndryshe ky edhe ishte urdhri i Radojqiqit ku i tëri plani dhe skema është bërë me direktivë të tij./rajonipress/