Po këndon gjeli tra me tra (Parodi)
RajoniPress
08:31, 28 Nëntor, 2013
Po këndon gjeli tra me tra –
I lumi unë , që kam shumë gra !
Kam shumë gra me kaçulore –
Gjithmonë n’ “Zgjedhje” , korri fitore !
Po këndon gjeli pa ia nda –
Po u thotë pulave :”Çohuni ma !”
Po këndon gjeli : ge – ka – ge – ka –
Çohuni ma , se u bë dreka !
Po ua mbanë pulave një mbledhje –
Çohuni pula , me dalë në “Zgjedhje”!
Me dalë n’ “Zgjedhje” , me mi qitë votat ,
Po s’ mi qitët – ua ha kokrrat !
Me dalë n’ “Zgjedhje” me bagazh ,
Dua t’ fitoj pa balotazh !
Me ba kush me mi vjedhë votat –
Do t’ ua shkuli kaçurotat !
Po këndon gjeli : ki-ki-ri-ka –
Ju s’e dini çka është karrika ?
Po këndon gjeli : ku-ku-rru- ku –
Ju s’e dini çka është kolltuku !
Po këndon gjeli te kaçaku –
Ju s’e dini çka është meraku ?
Po këndon gjeli te korita –
Ju s’e dini çka është pozita !
Po këndon gjeli te shporeti –
Ju s’e dini çka është pushteti !
Ky virus me t’ shti hilet –
S’ ka shërim për njëqind vjet !
Po këndon gjeli nën hambarë –
A po m’ zgjidhni për Kryetarë ?
N’ dashi ju me hëngër grurë ,
Mos me mbet vejusha kurrë !
Po këndon gjeli nën hajat –
A po m’ zgjidhni edhe një mandat ?
Një mandat katërvjeçarë ,
Se s’ju la kund vend për farë !
Demir Krasniqi, Gjilan, më 24.11.2013.
