Pjeshka simboli i jetëgjatësisë, ja arsyet përse duhet ta konsumoni

Pjeshka në Kinë cilësohet si simboli i jetëgjatësisë. Vetitë e shumta ushqimore e bëjnë atë të jetë një nga frutat më të shëndetshëm dhe të këshillueshëm nga mjekët për t’u konsumuar. Pjesën më të madhe të vitaminave ajo e ka në lëkurë kështu qe është më mirë të mos e qëroni. Arsyet përse duhet ta konsumoni janë shumë. Në po ju tregojmë disa prej tyre.

Pjeshkat e freskëta janë burim i mirë i fosforit, i cili është jashtëzakonisht i rëndësishëm, sepse ndikon në shëndetin e eshtrave dhe dhëmbëve, rritjen dhe rigjenerimin e indeve dhe mirëmbajtjen e vlerave të ph në gjak. Ato po ashtu përmbajnë edhe hekur, bakër i cili i nevojitet organizmit për të krijuar hemoglobinë dhe kolagjen, vitaminë B3, i cili është një faktor i rëndësishëm për metabolizmin dhe prodhimin e energjisë.

Një pjeshkë e madhësisë mesatare (me lëvore), mbulon pesë deri në dhjetë për qind të nevojave të trupit për fibra te të rriturit. Nëse hani pjeshkë rregullisht, do të rregulloni edhe sulmet e urisë.

(Kosova Sot)