Pirraku, më i sakti për Hasan Prishtinën

Ndër vite është shkruar për jetën dhe veprën e aktivistit, deputetit dhe politikanit shqiptar Hasan Prishtina, madje ka pasur edhe vepra e shkrime të cilat nuk kanë përkuar me realitetin, me shtrembërime mbi jetën dhe veprimtarinë e tij.

Deri më tani, asnjë libër tjetër nuk ka dhënë informacione të sakta e relevante bazuar në kërkime shkencore, sesa ai i profesorit dhe aktivistit për çështjen kombëtare, Muhamet Pirraku. Kështu është thënë të premten gjatë promovimit të librit të Pirrakut “Hasan Prishtina, vlerë sublime e kombit”, libër ky që sjell të vërteta të panjohura mbi figurën protagonist.

“Tema që ka rrokur autori meriton vlerësim të gjithanshëm e mbi të gjitha historik por edhe respekt të pakufishëm e mirënjohje njerëzore për saktësimin e figurave tona historike. Libri që po e promovojmë sot është një dhuratë e çmuar për historiografinë shqiptare, është një histori e rrallë dhe vepër brilante e shkruar në bazë të kërkimeve të shumta shkencore, prej një historiani profesionist”, ka thënë recensenti i librit, Hilë Lushaku…(Tribuna).