Pija që zgjat jetën për 5 vjet

Gjysmë gotë verë në ditë, mund të zgjasë jetën me rreth 5 vjet. Ky fakt mbështetet nga një studim holandez i Wageningen University, i cili analizoi sjelljet ushqimore të 1400 meshkujve, duke i ndjekur për 40 vite.

Nga studimi rezultoi gjithashtu se ata persona që pinin dy gota verë apo dy birra në ditë, jetonin mesatarisht dy vite më shumë se personat që nuk konsumonin aspak pije të tilla.

Martinette Streppel, autor i studimit shpjegon se efektet mbrojtës të alkoolit dhe verës fillojnë të shfaqen vetëm pasi njerëzit i afrohen moshës së mesme.

Po ashtu studiuesit zbuluan se ata persona që konsumonin jo më shumë se 20 gramë alkool në ditë, reduktonin mundësinë e vdekjes në masën 36%. Dhe kjo përqindje rritej në rast se pija që konsumohej ishte verë.