Pesha e mallit
RajoniPress
08:59, 3 Janar, 2014
Kur shikoj ca reportazhe –
Shpirti im mbushet bagazhe ,
Për shumë fshatra që po zbrazen ,
Gjumë në sy nuk shti gjithë natën !
Për do fshatra n’teren malorë ,
Që po mbesin pa banorë !
Pa dëshirë fshatrat braktisen –
N’rrugë t’shpëtimit, ata nisen !…
Disa migrojnë në qytet ,
Shumë të rinj shkojnë në kurbet !
Shkojnë me mall për troje t’ veta –
Dalë nga dalë po mbesin t’ shkreta !
Me lot n’ sy po flet një burrë –
Sikur t’ kishim infrastrukturë ,
S’ do ta lëshonim vendin kurrë ,
Por me te do t’ ishim mburrë !
S’ kemi rrugë për qarkullim ,
S’ kemi mjekë për shërim ,
S’ kemi rrymë për ndriçim ,
S’ kem shitore për furnizim !…
Lotët m’rrjedhin gurrë nën sy –
Kur po i shoh shkollat nën dry !
Janë kalbë banka e dritare –
Nuk ka nxënës, as abetare !…
Kur na vinte mësuesi n’ malësi –
Gëzoheshin t’ vjetër edhe fëmijë !
Cep me cep n’ trevat malore –
Jehonte kënga shkollore !
Ikën mësuesit dhe shkollarët ,
Ikën bujqit dhe fshatarët !…
Mbi themele ku rronin t’ parët –
Thera e kaça u mbuluan varret !
Gjilan, më 02.01.2014.
Demir Krasniqi
