Pesëmbëdhjetë vite

Poezi nga Ruzhdi Kqiku

Heu Kosovë
tokë e bekuar
vend i shenjt
Arbëror

Anë e kënd
tërë shqiptaria
të përgëzon
këtë përvjetor

Heu Kosovë moj
zonjë e rëndë
rrafsh pesëmbëdhjetë
vite rritë u bënë

Pesëmbëdhjetë vite
lëshove shtat
t`i më e bukura
si molla n’bajrak

Heu Kosovë
t`i u rritsh prore festofsh
mija përvjetore

Gjithmonë
qofsh
vend
i ndritur

Veç
lartësive
duke
U ngjitur

U bëfsh shembull
veç për të mirë
e dinjitetshme
e tokë e lirë.

Ruzhdi Kqiku, me rastin e pesëmbëdhjetë vjetorit të pavarësisë së Kosovës