Pesë shtetas shqiptarë të Maqedonisë arrestohen në Zhegër

Gjilan – Policia kufitare ka ndaluar në Zhegër pesë shqiptarë shtetas të Maqedonisë derisa ata po tentonin të kalonin ilegalisht kufirin njoftoj Policia e Kosovës.

Në fshatin Zhegër të Gjilanit janë arrestuar pesë të dyshuar meshkuj shqiptar shtetas të Maqedonisë pasi që të njëjtit duke tentuar që “Përmes vendkalimit të paautorizuar për qarkullim të lirë të njerëzve dhe mallrave” me veturën e tyre “Ford” të hynë ilegalisht nga Republika e Maqedonisë në Republikën e Kosovës janë kapur nga njësitet policore.

Me urdhër të Prokurorit të dyshuarit dërgohen në mbajtje thuhet në njoftimin e policisë./rajonipress/